Shtëpi Kuriozitete Prekëse/ Vdiq në moshën 40 vjeçare, nëna e re i lë të...

Prekëse/ Vdiq në moshën 40 vjeçare, nëna e re i lë të bijës 1 vjeçe 18 dhurata për çdo ditëlindje (Foto)

Shperndaje në Facebook.

Elisa Girotto u nda nga jeta në moshën 40-vjeçare në Treviso të Italisë, pas diagnostifikimit me kancer të një agresiviteti të rrallë. Përpara se të largohej përgjithmonë nga kjo botë, ajo la si kujtim 18 dhurata ditëlindjeje, që e bija 1 vjeçe t’i marrë vit pas viti, derisa të arrijë moshën madhore.

Kjo për t’i treguar bebes së saj aq shumë të dëshiruar, se do të jetë përkrah saj gjithmonë, e se e ka dashur shumë. “Kështu do të jem me ty”, ka shkruar 40-vjeçarja si dedikim në krye të 18 dhuratave.

Elisa dhe burri i saj Alessio morën vesh për tumorin në kohën më të lumtur të jetës së tyre, kur e bija erdhi në jetë. Ata mezi e prisnin por pikërisht kur bebja lindi, mësuan lajmin e hidhur.
Elisa kishte një tumor në gji, trefish negativ.

Bëhet fjalë për një formë kanceri shumë agresiv e tejet i vështirë për t’u kuruar. Kimioterapia dhe katër operacionet që ajo kreu, nuk shërbyen për asgjë. Më shumë kalonte koha e më shumë trupi i saj mbushej me metastaza.

Pas një viti kurim, Elisa pyeti të shoqin se sa jetë i kishte mbetur. Ai iu përgjigj “vetëm dy muaj”. Prej këtij çasti nëna e re nisi të programonte me kujdes çdo ditëlindje të së bijës, deri 18 vjeç. Kështu ajo i bleu 18 dhurata.

Në dhuratën e fundit e bija do të gjejë një hartë të botës, ku Elisa ka shënuar të gjithë qytetet që do të kishte dashur të vizitonte me vajzën e saj.

Ajo nuk jetoi dot aq sa Anna e vogël të kishte një kujtim të qartë të së ëmës. U largua para kohe, por duke gjetur mënyrën për t’i qëndruar vajzës përkrah, e për t’i treguar praninë e dashurinë e saj përgjithmonë.